ترەمپ لە نەتەوە یەکگرتووەکان : گوشار و گەمارۆکان بۆ سەر ئیران چڕتر دەبنەوە
![](https://xwakurk.com/wp-content/uploads/2019/09/webste-qalb-wena-147.jpg)
سەرۆک کۆماری ئەمریکا رۆژی سێشەممە لە حەفتاوچووارەمین کۆبوونەوەی گشتی نەتەوە یەکگرتووەکان لە وتارێکدا گووتی دەسەڵاتی ئێران یەک لە هەرە گەورەترین هەڕەشەکانی ئاسایشی جیهانییەو جیا لە مەرگ و ماڵویرانی هیچی بۆ مرۆڤایەتی پێنەبووە .
ترەمپ کەهاوکات دووپاتی کردەوە ئێران یەکەم پشتیوانی بەهێزی تیرۆریزمی جیهانییە گووتی ئێران بە بەردەوامی ئاگری شەڕ لە یەمەن و سووریا خۆش دەکات و بۆ دەستڕاگەیشتن بە چەکی ئەتۆمیش خوێنی هاووڵاتیانی ئێرانی دەمژێت .
دوواتر وەک پێشوو ڕەخنەی لە وڵاتانی واژوو کەری رێکەوتنی ئەتۆمی لە گەڵ ئێران گرت وگووتی ئەم رێکەوتنە نەیدەتوانی ڕێگری لە ئێران بکات دەستی بە چەکی ئەتۆمی ڕانەگات ، بۆیەش درەنگ یان زوو هەر دەبوو ڕێکەوتنەکە هەڵوەشێتەوە .
لە بەشێکی تری قسەکانیدا ئێرانی بە تاوانباری سەرەکی ناساند لە هێرشی سەر پاڵاوگە نەوتییەکانی سعوودیا و گووتی هەربۆیەش بەهێزترین گەمارۆمان خستە سەر ئێران و بانکی ناوەندی ئێرانمان کردە نیشانەی ناو لیستی گەمارۆکان .
لە کۆتاییدا گووتی تا ئیران لە سەر ئەم شێوە سیاسەتەی بەردەوام بێت ، ئێمەش بەردەوام دەبین لە سەپاندنی گەمارۆی زیاتر