پاسه‌وانێكی تایبه‌تی شای سعوودیه كوژرا
رووداوێكی ته‌مومژاویدا شەوی رابردوو پاسه‌وانه تایبه‌ته‌كه‌ی سه‌لمان بن عه‌بدولعه‌زیز، پاشای سعودیه كوژرا.
میدیاكانی سعودیه بڵاویان کردووەتەوە، لیوا عه‌بدولعه‌زیز ئه‌لفه‌غم، پاسه‌وانه تایبه‌ته‌كه‌ی پاشای سعودیه له‌ماڵی هاوڕێیه‌كی خۆیدا له‌شاری جه‌دده به‌ده‌ستی هاوڕێیه‌كی به‌فیشه‌ك كوژرا.
ئاماژە بەوەشکراوە، بكوژه‌كه له ده‌ره‌وه‌ی ماڵه‌كه رووبه‌ڕووی هێزه ئه‌منییه‌كان بووه‌ته‌وه‌و ئه‌ویش كوژراوه.
ئەو پاسەوانە تایبەتییەی شا سەلمان، پێشتر پاسەوانی تایبەتیی شا عەبدوڵڵای شای پێشووتری سعودیە بووە و لە ساڵی 2017ش بە فەرمانی شا سەلمان، بەشێوەیەکی تایبەت پلەکەی بۆ لیوا بەرز کراوەتەوە.
