سەرجەم کەرتە سەربازییەکان بە فەرمانی وەزارەتی بەرگری عێراق کەوتنە ئامادە باشییەوە
پشێوی و ناڕەزایەتی دەربڕینی بەغدا و شارەکانی تری عێراق لە دوو رۆژی رابردوودا کە خەریکە هەموو سارەکانی ئەو وڵاتە دەگرێتەوە ، وەزارەتی بەرگری عێراق ناچار دەکات هەموو کەرتە سەربازییەکانی سەر بەو وەزارەتە بخاتە حاڵەتی ئامادە باشییەوە .
ئەم فەرمانە بە نووسراوێکی فەرمی و بە واژووی نەجاح شەمەری بە مەبەستی پارێزگاری لە دامەزراوە حکوومیەکان دەرکراوە .
هاوکات لە گەڵ ئەوەی داوا لە هیزەکانیان دەکەن بنکە و بارەگا حکومیەکان و باڵیۆزخانەی وڵاتان بپارێزن ، داواش دەکەن لە گەڵ خۆپیشاندەران بە ئارامی بجوڵێنەوە و دان بە خۆیاندا بگرن .
بێگاری، نه‌بوونی خزمه‌تگوزاری و هه‌لی كار هۆکاری خۆپیشاندانێكی فراوانە لە پارێزگاكانی عێراق و تا ئێستاش بە دەیان کوژراوو سەدان برینداری لێ کەوتۆتەوە
