سەرۆکی حکومەتی هەرێمی کوردستان پرسەنامەیەک بڵاو دەکاتەوە .
لەم پرسە نامەیەدا کە مەسرور بارزانی بە بۆنەی کۆچی دوایی پرۆفیسۆر عیزدەین مستەفا رەسول ئاراستەی کردووە ، باس لە رۆڵ و کەسایەتی پرۆفیسۆر دەکات لە بزاڤی روناکبیری ئەدەبی کوردیدا
ده‌قی پرسه‌نامه‌كه:
بەداخێکی زۆرەوە کۆچی دوایی نووسەر و رووناکبیری ناسراوی کوردستان پرۆفیسۆر عیزدەین مستەفا رەسول -م بیست . د.عیزەدین رۆڵی دیاری لە بزاڤی روناکبیریی و ئەدەبی کوردستاندا هەیە، بۆیە لە دەستدانی ئەم نووسەر و ئەدیبە گەورەیەی کورد زیانێکی گەورەیە بۆ بزووتنەوەی رۆشنبیریی لە کوردستان. پرسە وسەرەخۆشی گەرمی خۆم ئاراستەی بنەماڵەکەی و نووسەرو رۆشنبیرانی کوردستان دەکەم. خوای مەزن بە بەهەشتی شاد بکات و یادی مامۆستا عیزەدینیش هەمیشە هەر زیندوو بمێنێت.
مەسرور بارزانی
سەرۆکی حکومەتی هەرێمی کوردستان
2019/10/3
