ئایە توڵلا سیستانی ڕاگەیەندراوێک لە سەر خۆپیشاندانەکانی عێراق بڵاو دەکاتەوە
ئایەتوڵلا سیستانی ڕەخنە لە حکومەت دەگرێت و داواش لە هێزە ئەمنیەکان دەکات خۆیان لە توند و تیژی وئازاری خۆپیشاندەران بپارێزن .
بەپێی هەواڵی رۆیتەرز ، مەرجەعی باڵای شیعەکانی عێراق لە ڕاگەیەندراوێکدا وێڕای مەحکووم کردنی توند و تیژیەکان کە لەم چەند رۆژەدا هاتوونە ئاراوە و بوونەتە هۆی هۆی کوژرانی چەندین کەسی سڤیل داوای هێور کردنەوەی دۆخەکە دەکات .
لەم راگەیەندراوەدا کە ئەمڕۆ هەینی لە لایەن ئەحمەد ئەلسافی ، یەک لە نوێنەرانی سیستانی لە شاری کەربەلا خوێندرایەوە ، تەیدا هاتووە حکومەت و کەسایەتیە سیاسیەکانی کار بەدەست وڵامدەری ویست و داخوازیەکانی خەڵک نەبوون و ڕێگریان لە گەندەڵی نەکرد و خۆشیان هیچ ئەرکێکی تایبەتیان بە جێ نەهێنا .
لە کۆتاییدا ئایەتوڵلا سیستانی هەموو نوێنەرانی پەرلەمانی عێراق بە تاوانبار دەزانێت و دەڵێت ئەوان بەرپرسی ئەم دۆخەی ئێستاکەن .
