داعش هێرشدەكاتە سەر سوپای توركیا
خواكوڕك
بۆدوو مانگ دەچێت لەنزیك ئەلباب سوپای توركیاو چەكدارانی داعش سەنگەریان لەیەكگرتووە, ناوەناوە رووبەرووبونەوە لە نێوانیاندا روودەدات,بەڵام هیچ كامێك لەم دوو هێزە نەی توانیوە ئەوەی تر بشكێنێت, لە تازەترین بەریەكەوتنیان سەربازێكی تورك كوژرا و 6ی دیكەش بریندار بوون.
دەزگای سەربازی توركیا لە بەیاننامەیەكدا هەواڵی كوژرانی سەربازێكی خۆیانی پشتڕاست كردوە و هەروەها 6ی دیكەیش بریندار، بەڵام ئاماژەشی داوە كە لە شەڕەكەی ئەمڕۆدا توانویانە 20 چەكداری سەر بە گروپی تیرۆرستی داعش بكوژن.
ئەوەی تێبینی دەكرێت داعش پێچەوانەی جەرابلوس نایەوێت بە ئاسانی ئەلباب رادەستی توركیا بكات و، دەیەوێت شەڕێكی سەختی تێدا بكات. هەروەها 300 چەكداریشی لەناو سەنتەری شارەكە جێگیر كردووە بۆ رووبەرووبوونەوەی سوپای توركیا و سوپای سووریای ئازاد.
