مەسرور بارزانی لە پەیامێكی پیرۆز بایی بە بۆنەی جەژنی جەمایێ بۆ ئێزیدیەكان رایدەگەیەنێـت حكومەت پابەندە بە كەمكردنەوەی ئازارەكانتان
![](https://xwakurk.com/wp-content/uploads/2019/09/مەسرور-بارزانی.jpg)
بەبۆنەی هاتنەوەی جەژنی جەمایێ مەسرور بارزانی سەرۆكی حكومەتی هەرێمی كوردستان لە پەیامێكدا پیرۆزبایی لە ئێزیدییەكان دەكات وهەروەها پابەندی حكوومەتی هەرێم بۆ كەمكردنەوەی ئێش و ئازاری ئێزدییەكان دووپات دەكاتەوە.
مەسرور بارزانی لە پەیامەكەی نووسیویەتی: “خوشك وبرایانی ئێزیدی لە ساڵانی رابردوودا رووبەڕووی مەینەتی و رۆژانی سەخت بوونەوە. ئومێدەوارین لە ژێرسایەی كەشی بەیەكەوەژیانی ئاشتیانەی هەرێمی كوردستان ئەو رۆژە سەختانە تێپەڕێنن”.
لە پەیامەكەی سەرۆكی حكوومەتی هەرێم هاتووە: “حكومەتی هەرێمی كوردستانیش هەرچی لە توانایدا بێت درێغی ناكات بۆ كەمكردنەوەی ئێش و ئازارەكانیان و قووڵتركردنەوەی گیانی بەیەكەوەژیان و تەبایی نێوان پێكهاتە ئاینی و نەتەوەییەكانی هەرێمی كوردستان”.