کوردانی دانیشتووی پایتەختی ئێران پشتیوانی خۆیان بۆ کوردانی رۆژئاوا دەربڕی ( ڤیدیۆ )
( هەتا کوردێک بمێنێت ، کوردستانیش دەمێنێت )
رۆژئاوا رۆژهەڵاتە ، کوردستان یەک وڵاتە
ئەوە دروشمی کوردانی رۆژهەڵاتە لە دژی هێرشی ناڕەوای تورک بۆ سەر رۆژئاوای کوردستان
ئەمڕۆ هاوکات لە گەڵ زۆربەی شارەکانی رۆژهەڵاتی کوردستان ، کوردانی دانیشتوی تارانی پایتەختی ئێران لە بەردەم باڵیۆزخانەی تورکیا لە تاران ناڕەزایەتی خۆیان لە هەنبەر هێرشی داگیرکارانەی تورکیا بۆ سەر رۆژئاوای کوردستان دەربڕی .
سەرچاوە هەواڵیەکانی تایبەت بە ( دەزگای میدیایی خواکوڕک ) لە تارانەوە پێیان ڕاگەیاندنین دووا نیوەڕۆی ئەمڕۆ هاوکات لە گەڵ زۆربەی شارو شارۆچکەکانی رۆژهەڵاتی کوردستان ، کوردانی دانیشتوی تارانی پایتەختی ئێران ، لە گردبوونەوەیەکی ناڕەزایەتی دەربڕین لە بەردەم باڵیۆزخانەی تورکیا ، ڕق و بێزاری خۆیان لە کردەوەی هێرشی سەربازی تورکیا بۆ سەر رۆژئاوای کوردستان دەبڕی و بە گوتنەوەی دروشمی ( هەتا کوردێک بمێنێت ، کوردستانیش دەمێنێت ) پشتیوانی خۆیان بۆ کوردانی رۆژئاوای کوردستان دووپات کردەوە .
وەک چەندین شاری تری رۆژهەڵاتی کوردستان ، لە تارانیش هێزەکانی ئینتیزامی ئێران هەڵیانکوتایە سەر خۆ پیشاندەران و چەند کەسێکیان لێ دەستگیر کردون کە تائێستا هەواڵی ئازادیان بە ( دەزگای میدیایی خواکوڕک ) نەگەیشتووە
