ڤیدیـۆ… ئاڵا تاڵەبانی: شانازی ده‌كه‌م به خیانه‌تی 16ی ئۆكتۆبه‌ر و یه‌كپارچه‌ی خاكی عێراق
ئاڵا تاڵه‌بانی ئه‌ندامی سه‌ركردایه‌تی یه‌كێتی نیشتیمانی كوردستان، له‌په‌رله‌مانی عێراق له گرته ڤیدیۆیه‌ك دا باس له خیانه‌تی 16ی ئۆكتۆبه‌ر ده‌كات و رایده‌گه‌ێنێت، كه شانازی به خیانه‌تی 16ی ئۆكتۆبه‌ر ده‌كات به‌هه‌وڵی هێشتنه‌وه‌ی یه‌كپارچه‌ی خاكی عێراق پێناسه‌ی ده‌كات”.
له گرته ڤیدیۆیه‌كدا كه به‌زمانی عه‌ره‌بی تووماری كردووه، ئاڵا تاڵەبانی ئه‌ندامی سه‌ركردایه‌تی یه‌كێتی نیشتیمانی كوردستان رایده‌گه‌ێنێت”بەردەوام لەگەڵ “یەکپارچەیی خاکی عێراق” دایە و ھەرواش دەمێنێتەوە، وەك ئاماژەیەك بۆ دژایەتیکردنی ھەر ھەوڵێك بۆ سەربەخۆبوونی کوردستان و هه‌روه‌ها ئاماژەی بەوە داوە، ھەوڵدانی بۆ پارێزگاریکردن لە یەکپارچەیی عێراق لەلایەن گەلی کوردستانەوە بە ”خیانەت“ ناسێندراوە و رایگەیاندووە، ”ئەگەر ئەوە خیانەت بێت، من شانازیی پێوە دەکەم“.
ئاڵا تاڵەبانی یه‌كێك بوو له‌و كەسانەی كه له‌ناو گروپی خیانه‌تكاری 16ی ئۆكتۆبه‌ر دابوو كه كه‌ركووكیان راده‌ستی میلیشیاكانی حشدی شه‌عبی كردوو دوور له بریاری فه‌رمانده‌ی گشتی هێزه‌كانی پێشمه‌رگه، پاشه‌كشه‌یان كرد به به‌شێكی له‌پێشمه‌رگه له كه‌ركووك و به‌مه‌ش سه‌دا 50ی خاكی كوردستانیان راده‌ستی میلیشیاكانی حه‌شدی شه‌عبی كرده‌وه.
ڕۆژی ١٦ی ئۆکتۆبەری ٢٠١٧ش، لە ماوەی چەند کاتژمێرێکدا کەرکووک لەلایەن میلیشیاکانی حەشدی شەعبی و هێزەکانی عێراقەوە داگیر کرا، هەر لە سەروبەندی ئەو ڕووداوانەدا کۆسرەت ڕەسووڵ، مەلا بەختیار، شێخ جەعفەر، نەجمەدین کەریم و چەندان سەرکردەی دیکەی یەکێتیی نیشتمانیی کوردستان رایان گەیاند کە گرووپێکی نێو حزبەکەیان ڕێککەوتنی ژێربەژێریان کردووە و بوونەتە هۆی ئەوەی زیاتر لە نیوەی خاکی باشووری کوردستان لەدەست بدرێت.
