مەسرور بارزانی بەردی بناغەی ئەندەرپاسەکانی شەقامێکی سەرەکی لە دهۆك دادەنێت
بڕیارە ئەمڕۆ مەسروور بارزانی سەرۆکی حکوومەتی هەرێمی کوردستان لە شاری دهۆك وتارێک پێشکەش بکات و هاوکات بەردی بناغەی پڕۆژەیەکی ستراتیجی دابنێت.
ماڵپەڕی فەرمی حکوومەتی هەرێمی کردستان ئاشکرای کردووە، كاتژمێر سێ و 30 خولەکی ئێوارە بە ئامادەبوونی مەسروور بارزانی، سەرۆك وەزیرانی کوردستان بەردی بناغەی پڕۆژەی ئەندەرپاسەکانی شەقامی بارزان لە شاری دهۆک بەڕێوە بچێت.
زیاتر روون کراوەتەوە، لەو رێوڕەسمەدا سەرۆکی حکوومەتی هەرێمی کوردستان راستەوخۆ وتارێك پێشکەش دەکات و هاوکات فریکوێنسێکیان بۆ رووماڵکردنی میدیاکان بڵاو کردووەتەوە.
سەرۆکی حکوومەتی هەرێمی کوردستان لەکاتی دەستبەکاربوونی لە کابینەی نۆیەمی حکوومەت پلانی کاری چوار ساڵەی لە پەرلەمان خوێندەوە و تیایدا ئاماژەی بە بووژانەوەی کەرتی ئابووری و دروستکردنی رێگەوبان لە هەرێمی کوردستان دا.
