خەزعەلی هۆشداری دا لە ڕادەستکردنی بارەگای سەرکردایەتی ئۆپەراسیۆنەکانی کەرکوك

ئەمینداری گشتی عەسائیبی ئەهلی حەق قەیس خەزعەلی لە تویتێکی دا لە سایتی توێتەر هۆشداری دا لەوەی بارەگای ئۆپەراسیۆنەکانی کەرکوك ڕادەستی پارتی دیموکراتی کوردستان بکرێت و داواکاریەکی ئاراستەی سەرۆك وەزیران کرد ، هەروەها گوتی ئەوە بڕیارێکە خوێندنەوەی بۆ نەکراوە و لە کاتێکی هەڵە دەرچووە و مەترسی زۆری درووست کردووە لە گەڕانەوەی بارودۆخی شارەکە بۆ پێش 16 ئیکتۆبەری ساڵی 2017.

ئەم بڕیارە هاوکاتـە لەگەڵ بەردوامی گفتوگۆیەکانی نێوان هەرێمی کوردستان و حکومەتی عێراقی ئیتیحادی دەربارەی کرکوك و ناوچە کێشە لەسەرەکان و بەتایبەتی گەڕانەوەی پارتی دیموکراتی کوردستان و ورگرتنەوەی هەموو بارەگاکانی لە کەرکوك بەڵام ئەم بڕیارە تووشی ڕەخنەیەکی زۆر هاتەو لەلایەن پێکهاتەی عەرەب و بەتایبەتی عەرەبه هاوردەکان.