كۆبوونه‌وه‌ی پینس و ئه‌ردۆگان ده‌ستی پێكرد
دوای ئه‌وه‌ی جێگیری سه‌رۆكی ویلایه‌ته‌یه‌كگرتووه‌كانی ئه‌مریكا مایك پێنس سه‌ردانی ئه‌نقه‌ره‌ی كرد بۆ كۆبوونه‌وه له‌گه‌ڵ ره‌جه‌ب ته‌یب ئه‌ردۆگان سه‌رۆك كۆماری توركیا بۆ گفتوگۆكردن له باره‌ی ئۆپراسیۆنی داگیركاری توركیا بۆ سه‌ر رۆژئاوای كوردستان، لەوبارەیەوە سەرۆكایەتی توركیا بڵاویكردوەتەوە، كۆبونەوەكە لە كۆمەڵگەی سەرۆكایەتی لە ئەنقەرە بەڕێوەدەچێت و هیچ ئاماژەیەكیش بەوەنەكراوە، كە مایك پۆمپیۆ وەزیری دەرەوەی ئەمریكا ئامادەی كۆبونەوەكەیە یاخود نا.
رۆژی پێنجشەممە پێنس گەیشتە توركیا و هەوڵدەدات ئاگربەست بهێنێتەئاراوە و سوپای توركیا هێرشەكانی بۆسەر باكور و خۆرهەڵاتی سوریا رابگرێت.
پێش گەیشتنی جێگری سەرۆكی ئەمریكاش بە ئەنقەرە، پۆمپیۆ وەزیری دەرەوەی ئەمریكا دیدارەكانی لە توركیا دەستپێكردبو.
تائێستا ئەردۆغان ئامادەنییە دەستبەرداری ئۆپەراسیۆنە سەربازییەكەی بێت بۆسەر رۆژئاوای كوردستان و هیچ دانوستاندنێكیش لەگەڵ شەڕڤانانی كورد ئەنجام نادات.
