ناوەڕاستی ئەم هەفتەیە شاندێكی هەرێم بۆ گفتوگۆكردنی بودجەی 2020 سەردانی بەغدا دەكات
بە مەبەستی تاوتوێكردنی پرسی بودجەی 2020 و چەند بابەتێكی تری ئابووری لە نێوان هەولێر و بەغدا لێژنەیەك لە هەرێمی كوردستان, سەردانی بەغدا دەكات, پەرلەمانتارێكیش ئاشكرای دەكات لەم هەفتەیە شاندەكەی هەرێمی كوردستان سەدانی بەغدا دەكات.
هێڤیدار ئەحمەد، جێگری سەرۆكی لیژنەی دارایی لە پەرلەمانی كوردستان لەو باریەوە رایگەیاندووە: وا بڕیارە لەم هەفتەیە شاندێكی هەرێمی كوردستان, كەلە وەزیری دارای و چەند وەزیرێكی تری تایبەتمەند پێكهاتووە سەردانی بەغدا دەكەن پرسی بوودجەی 2020 و پشكی هەرێم لەگەڵ بەغدا تاوتوێدەكەن.
هەروەها راشیگەیاندووە بە هۆی ئەوەی لە بەغدا خۆپیشاندان هەبوو سەردانی كردنی لێژنەكە بۆ بەغدا دواكەوت بەڵام ئێستا دۆخەكە ئاسایی بووەتەوە و كاتیش گونجاوە بۆ ئەو سەردانە.
