سەرۆک وەزیرانی عێراق: مۆلەتمان بە مانەوەی هێزەکانی ئەمریکا نەداوە لە عێراق
دوای ئەوەی پێشتر وەزیری بەرگری ئەمریکا ڕایگەیاندبوو ئەو هێزەی لە ڕۆژئاوای کوردستان کشاندوویانەتەوە بەهەماهەنگی لەگەڵ حکومەتی عێراق لە عێراق جێگیر دەکرێن، بەڵام سەرۆک وەزیرانی عێراق ڕایگەیاندووە مۆلەتمان بەو هێزە نەداوە تا لە عێراق بمێننەوە.
نووسینگه‌ی عادل عه‌بدولمه‌هدی دوای كۆبوونه‌وه‌ی له‌گه‌ڵ مارك ئیسپه‌ر، وه‌زیری به‌رگری ئه‌مه‌ریكا ڕایگەیاندووە، کە سه‌رۆك وه‌زیران جه‌ختی كرده‌وه، بوونی هێزه بیانییه‌كان له ناو خاكی عێراق، پێویستی به مۆڵه‌تێكی فه‌رمی هه‌یه، كه له حكوومه‌تی عێراقه‌وه ده‌ربكرێت.
هەروەها نوسینگەی سەرۆک وەزیرانی عێراق ڕایگەیاندووە “ده‌سه‌ڵاتدارانی عێراق رێككاری یاسایی له چوارچێوه‌ی یاسا نێوده‌وڵه‌تییه‌كان له‌مباره‌یه‌وه ده‌گرنه به‌ر”، داواشی له نه‌ته‌وه یه‌كگرتووه‌كان كرد، “به‌رپرسیارێتی خۆی به‌رامبه‌ر به‌و پرسه جێبه‌جێ بكات”.
