لەئەمریكاوە داوای بینینی مەزڵوم كۆبانێ دەكرێت
ژمارەیەك سیناتۆری ئەمریكی داوا له وه‌زاره‌تی ده‌ره‌وه‌ی وڵاتەكەیان دەكەن به په‌له ڤیزای چوونه وڵاتی ئه‌مریكا بدات به مه‌زڵوم كۆبانێ تا هه‌ڵوێستی له‌سه‌ر رێككه‌وتنی سوچی رابگه‌یه‌نێت.
هه‌ریه‌ك له ئه‌ندامانی كۆنگرێس (لیندسی گراهام، مارشا بلاكبێرن، كریس ڤان هۆلین، گین شاهین، ریچارد بلۆمنتاڵ) داوایان له وه‌زیری ده‌ره‌وه‌ی ئه‌مه‌ریكا، مایك پۆمپیۆ كردووه، ڤیزا بۆ مه‌زڵوم كوبانێ فه‌رمانده‌ی گشتیی هێزه‌كانی سووریای دیموكرات ده‌ربكات، بۆ ئه‌وه‌ی بتوانێت سه‌ردانی واشنتن بكات و له نزیكه‌وه له‌گه‌ڵ ئیداره‌ی ئه‌مه‌ریكا ره‌وشی باكووری سووریا تاوتوێ بكات.
ئەوەش دوای ئەوەدێت، سەرۆكی ئەمریكا بە هەماهەنگی لەگەڵ مەزڵوم كۆبانێ جەنگیان لە رۆژئاوای كوردستان راگرت، هەردولاش سوپاسی یەكترییان كرد.
هه‌روه‌ها دوێنێ دوای ئه‌وه‌ی مه‌زڵوم كوبانێ سوپاسی هه‌وڵه‌كانی ئه‌مه‌ریكای كرد بۆ وه‌ستاندنی هێرشه‌كانی توركیا، دۆناڵد تره‌مپی سه‌رۆكی ئه‌مه‌ریكا له رێی تویته‌ره‌وه سوپاسی كرد.
