سەرۆكی پەرلەمانی عیراق سەردانی خۆپیشاندەرانیكرد
![](https://xwakurk.com/wp-content/uploads/2019/10/حلبووسی.jpg)
محەمەد حەلبوسی سەرۆكی ئەنجومەنی نوێنەران شەوی رابردوو سەردانی خۆپیشاندەرانیكرد لەگۆڕەپانی تەحریر لەبەغدا.
بەگوێرەی میدیا عیراقییەكانیش حەلبوسی بەڵێنی داوە لەدانیشتنی پەرلەمان كە بڕیارە ئەمڕۆ شەممە ئەنجام بدرێت داواكارییە رەواكانییان تاوتوێ بكەن و وا لەحكومەت بكەن جێبەجێی بكات.
ئەوەش دوای ئەوەدێت، دوێنێ هەینێ 25ی تشرینی یەكەمی 2019 لە بەغدا و شارەكانی باشوور و ناوەڕاستی عیراق خۆپیشاندانی بەرفراوان بەڕێوە چوو، بەهۆی گرژییەكانیشەوە ژمارەی قوربانیان لەبەرزبونەوەدایە هاوكات لە هەندێك لە گۆڕەپانی خۆپیشاندانەكانیش چادر هەڵدراوە و مانگرتن راگەیەندراوە.