وەزارەتی ناوخۆ بەڕێوەبەری پۆلیسی بەغداو دیوانیەی لەكار لاداو رایگەیاند خۆپیشاندانەان بەكار هاتوون بۆ تەقەكردن لە پۆلیس چەند پۆلیسێك كوژراون
![](https://xwakurk.com/wp-content/uploads/2019/10/Rebwar-Talabani.jpg)
دوای ئەوەی خۆپیشاندان لە پارێزاكانی خواروو ناوەڕاستی عێراق دەستی پێكردەوەو بە هۆی بەریەك كەوتنی پۆلیس و خۆپیشاندەر 40 كەس كوژران و سێ هەزار كەسیش بریندار بوون, وەزارەتی ناوخۆی عێراق رەتیدەكاتەوە، چەك لە دژی خۆپیشاندەران بەكارهێندرابێت و بەڕێوەبەری پۆلیسی بەغدا و دیوانییەش لەكارەكانیان دوورخرانەوە.
لە راگەیاندراوەكەی وەزارەتی ناوخۆی عێراق هاتووە: هێزە ئەمنییەكان بەهیچ شێوەیەك چەك دژی خۆپیشاندەران بەكارنەهاتووە تەنانەت پارێزگاریان لە خۆپیشاندەران كردووە ، بەڵام لەبەرامبەردا هەندێك كەس خۆپیشاندانەكانیان بەكارهێناوە بۆ ئەوەی تەقەی راستەوخۆ لە هێزەئەمنییەكان بكەن، كە بەهۆیەشەوە چەند كارمەندێك كوژراون و ژمارەیەكی دیكەش برینداربوون.
هەروەها وەزارەتی ناوخۆ رایگەیاندووە: بەشێك لە خۆپیشاندەران بە هۆی رووبەروو بوونەوەیان لەگەڵا پاسەوانی بارەگاكانی حزبەكان كوژراون نەك لە لایەن پۆلیسەوە بووبێت”.
لەلایەكی دیكەوە، سەرچاوەیەكی ئەمنی ئاشكرایكردووە، وەزارەتی ناوخۆ بەڕێوەبەری پۆلیسی بەغدا و پارێزگای دیوانییەی لە كارەكانیان دوورخستووەتەوە.