شەڕ لە سەرێ کانی بەردەوامە
لە دەوروبەری سەرێکانی سوپای تورکیا و چەتەکانی بەردەوامن لە هێرشەکانیان بۆسەر هێزەکانی سوریای دیموکرات “هەسەدە.
لە شەوی ڕابردووەوە تا ئێستا گوندەکانی مدباخا، مەزرای حەمدوش، داودیە، دردارا، موبارەکیە، مرێکس و سەکریە، لەلایەن سوپای تورکیاوە تۆپباران دەکرێن.
هێزەکانی سوریای دیموکرات “هەسەدە، وەڵامی هێرشەکانی تورکیایان داوەتەوە لە ئەنجامدا لە گوندی موبارەکیە 24 چەتە کوژران و دوو ئۆتۆمبێلی سوپای تورکیا تێکشکێندران، هەروەها لەو گوندانەش شەڕیان تێدا روویداوە، کوژراو و برینداری چەتەکان هەیە بەڵام ژمارەیان نادیارە.
بەیانی ئەمڕۆش چەتەکانی سوپای تورکیا ویستوویانه بچنە ناو گوندی مدباخا، بەڵام شەڕڤانان رووبەڕوویان بوونەوە و سوپاكه‌یان ناچاری پاشەکشێ کرد، هەروەها هێرشکراوەتە سەر چەند گوندێکی دیکە و شەڕ بەردەوامە لەنێوان سوپای تورکیا و هەسەدە.
