سه‌رۆكی حكومه‌ت پێشوزای له بالیۆزی نوێی ئه‌لمانیا ده‌كات
دوای ده‌ست به‌كاربوونی بالیۆزی نوێی ئه‌لمانیا له عێراق سەرۆکی حکومەتی هەرێمی کوردستان پێشوازی لە باڵیۆزی ئەڵمانیا لە عێراق كرد
. ئەمڕۆ دووشەممە مەسرور بارزانی سەرۆکی حکومەتی هەرێمی کوردستان پێشوازی له ئۆلە دیل، باڵیۆزی ئەڵمانیا لە عێراق کرد. لە دیدارەکەدا کە باربارا ڤۆلف کونسوڵی گشتی ئەڵمانیا لە هەولێر ئامادەی بوو، بارودۆخی عیراق و ناوچەکە تاوتوێ کرا.
سەرۆکی حکومەتی هەرێمی کوردستان سوپاسی پەرلەمان و حکومەتی ئەڵمانیای کرد بۆ درێژکردنەوەی ماوەی ئەفسەرانی ئەڵمانیا لە هەرێمی کوردستان بۆ درێژەدان بە راهێنان بە هێزی پێشمەرگەی کوردستان. لە بارەی دۆخی ئێستای عێراقیش ئاماژەی بەوەدا کە لەگەڵ داخوازیی ئاشتیخوازانە و رەوای، خۆپیشاندەرانین. لە هەمانکاتدا پشتگیریيش لە هەنگاوە چاکسازییەکانی سەرۆک وەزیرانی عێراق عادل عەبدولمەهدی دەکەین.
هه‌روه‌ها هەردوولا هاوڕابوون لەسەر ئەوەی پێویستە کۆمەڵگەی نێودەوڵەتی، هاوکاری حکومەتی هەرێمی کوردستان بکات بۆ لە خۆگرتنی ئەو پەنابەرانەی كه بەهۆی دۆخی گرژی ناوچەکە روو لە هەرێمی کوردستان دەکەن.
