وه‌زیری ده‌ره‌وه‌ی ئه‌مریكا پێویسته له زووترین كاتدا حكومه‌تی نوێ له لوبنان پێكبهێندرێت
دوای ده‌ست له‌كاركێشانه‌وه‌ی سه‌عد حه‌ریری سه‌رۆكی حكومه‌تی لوبنان مایك پۆمپیۆ وه‌زیری ده‌ره‌وه‌ی ئه‌مریكا داوای له هه‌موو تیمه‌كانی لوبنان كرد هه‌رچی زووه حكومه‌ت پێك بهێنن بۆ ئه‌وه‌ی ئاسایش و سه‌قامگیری بۆ ناوخۆی لوبنان بگه‌ڕێته‌وه.
پۆمپیۆ له به‌یاننامه‌یه‌كدا ڕایگه‌یاند خۆپێشاندانی ئاشتیانه كه ماوه‌ی سێزده ڕۆژه له لوبنان به‌ڕێوه‌ده‌چێت ده‌ربڕینه له یه‌كگرتوویی نیشتیمانی و نامه‌یه‌كی ئاشكرایه، چونكه گه‌لی لوبنان حكومه‌تێكیان ده‌وێت به جدی كار بكات و كۆتاییهێنان به گه‌نده‌ڵی و چاكسازی له ئابووری وڵاته‌كه‌یاندا بكات.
جێی ئاماژه‌یه ئێواره‌ی دوێنێ سێ شه‌ممه سه‌عد حه‌ریری سه‌رۆكی حكومه‌تی لوبنان وه‌ك وه‌ڵامدانه‌وه‌یه‌ك بۆ داخوازی خۆپێشانده‌ران ده‌ستی له‌كار كێشایه‌وه .
