مێسی دەبێت بوێر بێت و بچێتە ریال مەدرید
هۆگۆ گاتی، گۆڵپارێزی ئارجێنتینایی پێشووی یانەی بوکاجۆنیۆرزی ئەم وڵاتە ئامۆژگاری لیۆنێل مێسی هاونیشتیمانی دەکات بچێتە ریال مەدرید.
گۆڵپارێزە ئەفسانەییەکەی بوکا لە چاوپێکەوتنێکدا دەڵێت ” مێسی بۆ ئەوەی ببێتە یاریزانێکی باشتر پێویستە بچێتە ریال مەدرید، چونکە ئەم یانەیە ئاستێکی باشتری لە تەواوی یانەکانی جیهان هەیە و ساڵانە رکابەری بەدەست هێنانی ناسناوی چامپیۆنزلیگ دەکەن “.
گاتی لە بەشێکی دیکەی لێدوانەکەیدا دەڵێت ” دەزانم ئەم بریارە بۆ مێسی سەختە، بەڵام پێویستە بوێر بێت، چونکە لە بەرژەوەندی خۆیدایە “.
