نرخی نه‌وت ئاستێكی پێوانه‌ی بۆ ئه‌مساڵ ده‌شكێنێت

خواكوڕك

ئه‌مرۆ دووشه‌ممه‌ 12/12/2016 یه‌ك به‌رمیل نه‌وتی برێنت له‌بازاڕه‌كانی جیهاندا به‌ 56 دۆلار و 40 سه‌نت مامه‌ڵه‌ی پێوه‌كراوه‌، له‌كاتێكدا دوێنی نرخی یه‌ك به‌رمیل به‌ 54 دۆلار و 63 سه‌نت بووه‌.

به‌رزبوونه‌وی ئه‌مجاره‌ی نرخی نه‌وت په‌یوه‌ندی به‌ كۆبوونه‌وه‌ی رۆژی شه‌ممه‌ 10/12/2016 هه‌یه‌ كاتێك چه‌ند وڵاتێكی گه‌وره‌ به‌رهه‌مهێنی نه‌وت له‌ده‌ره‌وه‌ی ئۆپیك رێككه‌وتن له‌سه‌ر كه‌مكردنه‌وه‌ی بڕی هه‌نارده‌ی نه‌وت.

ئه‌م بڕیاره‌ش دوای ئه‌وه‌ی دێت كه‌ له‌ 30/11/2016 وڵاتی ئه‌ندامی رێكخراوی ئۆپیك بڕیاریاندا بڕی هه‌نارده‌ی نه‌وت كه‌مبكه‌نه‌وه‌.