حكومەتی عێراق ناوی هەزار بەرپرسی گەندەڵ بڵاو دەكاتەوە
![](https://xwakurk.com/wp-content/uploads/2019/10/عادل-عهبدولمههدی.jpg)
بەیار دۆسكی پەرلەمانتاری عێراق لە فراكسیۆنی پارتی لەبارەی دۆخی عێراق بە ماڵپەری فەرمی پارتەكەی راگەیاندووە” لە ئایندەیەكی نزیكدا گۆڕانكاری لە ھەیكەلی حكوومەتی عێراقدا دەكرێت و دەشڵێ، ھیچ وەزیرێكی كورد ناگۆڕدرێت و ناوی ھەزار بەرپرسی گەندەڵیش بڵاو دەكرێتەوە و دەشلێـ”بڕیارە عادل عەبدولمەھدی سەرۆكوەزیرانی عێراق ھەندێ گۆڕانكاری لە كابینەی حكوومەتەكەیدا بكات و پێشتریش پلانی بۆ دانراوە، گۆڕانكارییەكانیش لە ئاستی وەزیرەكانەوە دەست پێدەكات و ھەر بەرپرسێك لە ئاست بەڕێوەبردنی كارەكانیدا نەبووبێت، دوور دەخرێتەوە”.
هەروەها ئەم پەرلەمانتارەی پارتی ئەوەشی بە ماڵپەری حزبەكەی راگەیاندووە” بەپێی زانیارییەكان، بەشێك لە وەزیرەكان دەگۆڕدرێن و گۆڕانكارییەكەش زۆربەی جومگەكانی حكوومەت دەگرێتەوە، بەڵام ھیچ كام لە وەزیر و بەرپرسە كوردەكانی نێو كابینەی عادل عەبدولمەھدی بەر گۆڕانكارییەكە ناكەون، هەروەها گوتیشی سەدان ناوی ئەو بەرپرسانە ئامادە كراون، كە دەستیان لە گەندەڵیدا ھەیە و دەشڵێت: “پێشتر لیستێكی ھەزار كەسی ئامادە كرابوو تا رادەستی دادگا بكرێن، بەڵام بڵاوكردنەوەی ناوەكان راگیراوە، لەبەر ئەوەی لە ڕووی یاساییەوە پێویستە پشتڕاست بكرێتەوە، تا یەكلا دەكرێنەوە و دواتر ناكرێت ناوی كەسێك بڵاو بكرێتەوە كە تۆمەتبار نەبێت.
دۆسكی دەشلێـ”دوای دڵنیابوونەوە لە ناوی بەرپرسانی گەندەڵ، ناوی ھەزار كەس كە تۆمەتبارن بە ئەنجامدانی گەندەڵی، بڵاو دەكرێتەوە و فەرمانی دادگایان بۆ دەردەچێت، ئەمەش لەكاتێكدایە كە پێشتر دەزگایی میدیایی خواكوڕك ئاشكرای كردووە كە لە 15ساڵی رابردوو 900 میلیار دۆلار عێراق گەندەڵی و بەهەدەردانی پارەی تێدا كراوە، جگە لە قەرزی 120 ملیار دۆلار”.