پەخشان زەنگەنە: لە ژێر چاودێریی مەسرور بارزانی ھەڵمەتی بەرەنگاربوونەوەی توندوتیژیی دژی ژنان رادەگەیەنێت
بڕیارە لە ژێر چاودێریی مەسرور بارزانی، سەرۆكی حكوومەتی هەرێمی كوردستان، ھەڵمەتی بەرەنگاربوونەوەی توندوتیژیی دژی ژنان لە ھەرێمی كوردستان بەڕێوە دەچێت،
پەخشان زەنگەنە، سەرۆكی ئەنجوونی باڵای كاروباری خانمان، بە ماڵپەڕی فەرمیی پارتی راگەیاندووه: ساڵانە ڕۆژی ٢٥ی نۆڤەمبەر وەك رۆژی بەرەنگاربوونەوەی توندوتیژیی دژی ژنان لە جیھاندا دیاری كراوە، لە ھەرێمی كوردستانیش ماوەی ١٠ ساڵە ھەڵمەتی بەرەنگاربوونەوەی توندوتیژیی دژی ژنان بەڕێوە دەچێت و ماوەی ١٦ی رۆژ دەخایەنێت، كە تێیدا چەندین چالاكی لە سەرتاسەری ھەرێمی كوردستان ئەنجام دەدرێن.
سەرۆكی ئەنجوومەنی باڵای كاروباری خانمان زیاتر ئاشكرای ده‌كات: ئەمساڵیش لە رۆژی ٢٥ی نۆڤەمبەر بە چاودێریی سەرۆكی حكوومەتی ھەرێمی كوردستان و بە كۆنفڕانسێكی بەرفراوان دەست بە ھەڵمەتەكە دەكرێت، واتە بەڕێز مەسرور بارزانی ھەڵمەتەكە رادەگەیەنێت.
