ڤایرۆسی کورۆنا 106 قوربانی لێکەوتەوە و تووش بوونی زیاتر لە 4515 کەس

دەسەڵاتدارانی چین ئەمڕۆ سێ شەممە ڕایانگەیاند ژمارەی تووشبوان بە ڤایرۆسی کورۆنا لە هەموو ناوچەکانی ووڵات گەیشتە 4515 کەس و لە نێوانیان دا 976 کەس بارودۆخیان ناجێگیرە و لەو ژمارەیە دا 106 کەس گیانیان لە دەست دا و توانـرا 60 کەس لە هەڵگرانی ئەم ڤایرۆسە چارەسەر بکەن.

ڕێکخراوی تەندرووستی نێودەوڵەتی ڤایرۆسی کورۆنای بە کۆمەڵەیەکی گەورە لە ڤایرۆسەکان ناوزەندکرد کە دەبێتە هۆی نەخۆشی و سەرمابوونێکی زۆر وەك تـا و کۆکە و تەنگە نەفەسی و وەستانی چالاکیەکانی گورچیلە و تەنانەت گیان لە دەست دانیش و لە نێوان ئاژەڵ و مرۆڤ دەگوازرێتەوە.