٦ حاڵەتی دیکەی تووشبوون بە ڤایرۆسی کۆرۆنا لە عێراق تۆمار کرا
لە نوێترین ئاماردا وەزارەتی تەندروستی عێراق تووشبوونی ٦ کەسیتری عێراقی بە ڤایرۆسی کۆرۆنا پشتڕاست کردەوە .
لەمبارەوە سیف ئەلبەدر ، وتەبێژی وەزارەتی تەندروستی عێراق لە راگەیەندراوێکدا ئاشکرای دەکات ئەو شەش کەسە لە پارێزگاکانی موسەنا ، ئەنبار ، زیقار ، نەجەف ، بەغدا و میسان لە دوای پشکنین تووشبوونیان بە ڤایرۆسی کۆرۆنا پۆزەتیڤ دەرچووە .
بەو شەش حاڵەتەی ئەمڕۆوە تا ئێستا لە عێراق ٦٤ کەس بەو ڤایرۆسە توووشبوون و ٦ کەسیش گیانیان لە دەست داوە
