عێراق : بزانە چەند کەسی دیکە بە کۆرۆنا گیانیان لە دەست داوە

وه‌زاره‌تی ته‌ندروستی و ژینگەی  عێراق لە ڕاگەیاندراوێکدا  ئاماری 24 كاتژمێرڕابردووی تایبەت بە کۆرۆنای  بڵاو کردەوە

لە  راگه‌یه‌ندراوه‌كه‌ی وه‌زاره‌تی ته‌ندروستی و ژینگەی  عێراقدا هاتووە ، له‌ ماوه‌ی 24 كاتژمێری رابردوودا پشكنین  بۆ 17 هه‌زار و 511 گومانلێكراوبە ڤایرۆسی کۆرۆنا  ئه‌نجامدراوه‌و دەرکەوتووە  2 هه‌زار و 459 كه‌سی دیكه‌ تووشی ڤایرۆسەکە بوون

هاوکات ئاشکرای دەکات هەر لەو ماوەدا 78کەس گیانیان لە دەست داوە و یەک هەزارو نۆسەت کەسیش چاک بوونەتەوە .

بە پێی ئەو ئامارە تا ئێستا كۆی ئه‌وانه‌ی له‌ سه‌رانسه‌ری عێراق تووشی په‌تاكه‌ بوونه‌ ژماره‌یان گه‌یشته‌ 110 هه‌زار و 32 حاڵه‌ت، له‌و ژماره‌یه‌ش 4 هه‌زار و 462 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه‌ و 75 هه‌زار و 217 كه‌سیش به‌ ته‌واوی چاك بوونه‌ته‌وه و 30 هه‌زار و 453 كه‌سیش له‌ نه‌خۆشخانه‌كان له‌ژێر چاودێری پزیشكیدان، له‌و ژماره‌یه‌ش 433 كه‌س به‌هۆی ناجێگیری دۆخی ته‌ندروستییان له‌ ژێر چاودێری چڕی پزیشكیدان.