تورکیا لە رێگەی ئاسمانییەوە لە بە ئامانج کردنی خەڵکی سڤیل لە هەرێمی کوردستان بەردەوامە

لە بەردەوامی هێرشەکانی هەمە چەشنەی خۆی بۆ سەر هەرێمی کوردستان بە بیانوی هێزەکانی ( پەکەکە ) تورکیا بەردەوامە و رۆژانە بە فڕۆکەی بێفڕۆکەوان هەرجارەو ناوچە وگوندێکی کوردستان دەکاتە ئامانجی مووشەکی .

ئەمڕۆش  نزیک بە یەک کاتژمێر پێش ئێستا لەسەر رێگای دەركار – بایتیڤا لە سنووری قەزای زاخۆ، ئۆتۆمبێلێك لەلایەن فڕۆكە جەنگییەكانی توركیا كرایە ئامانج

بە پێی ئەو زانیاریانەی دەستی دەزگای میدیایی خواکوڕک کەوتووە لە ئامانجی ئەو بۆردوومانەدا کە وەک باس دەکرێت بە چەکی لەیزەری کرابێت زیان بەر ئۆتۆمبێلی هاووڵاتیان کەوتووە بەڵام زیانی گیانی بە دواوە نەبووە

هاوکاتیش زێرەڤان مووسا بەرێوەبەری ناحیەی دەرکار لە لیدوانێکدا ب راگەیاندنەکان لەمبارەوە گوتی : ئەو ئۆتۆمبێکی کراوەیە ئامانج هی دوو برایە کە هەردووکیان پێشمەرگەن و لە کاتی گەڕانەوەدا بوون بۆ سنووری ناحیەی باتیڤا