وەزارەتی پەروەردە فەرمانی بە گرێبەستکردنی وانەبێژانی دەرکرد
ئەمڕۆ پێنجشەممە، بە مەبەستی تەواوکردنی ڕێکارەکانی دامەزراندنی مامۆستایانی وانەبێژ بە شێوەی گرێبەستی هەمیشەیی؛ وەزارەتی پەروەردە فەرمانێکی وەزاریی ئاراستەی بەڕێوەبەرایەتییەکانی گشتیی پەروەردەی پارێزگا و ئیدارە سەربەخۆکانی هەرێمی کوردستان کرد.
وەزارەتی پەروەردە لە نووسراوەکەیدا داوای لە بەڕێوەبەرایەتییەکانی گشتیی پەروەردە کردووە، کاری پێویست بۆ تەواوکردنی ڕێکارەکانی بەگرێبەستکردنی مامۆستایانی وانەبێژ لەسەر میلاکی وەزارەتی پەروەردە بکەن.
