جەمیل بایك: دەولەت نەتەوە تەنانەت بۆ كوردیش رەتدەكەینەوە, لە هەر پارچەیەكی كوردستان دەولەتێك بۆ نەتەوەی كورد دابمەزرێت بە هەڕەشە بۆ سەر ئایدۆلۆژیای خۆمان دەزانین
![](https://xwakurk.com/wp-content/uploads/2018/06/1-88.jpg)
لەگەڵ ئەوەی پێشوتر چەند سەركردەیەكی پەكەكە دژایەتیان بۆ دروست بوونی دەوڵەتی كوردستان راگەیاندووە, دروست بوونی دەوڵەتیان بە سەرچاوەی بەرتەسككردنەوەی ئازادی تاك ناوبردووە, هاوسەرۆكی كەجەكە جارێكی دیكە رایدەگەیەنێت:”كاتی دەوڵەتی نەتەوە تەواو بووە”.
هاوسەرۆكی كەجەكە، جەمیل بایك لە چاوپێكەوتنێكدا لەگەڵ رۆژنامەی رووناهی تیشك دەخاتە سەر بارودۆخی رۆژئاوای كوردستان و شەنگال و توركیا و سوریا و سیستمەكانی رۆژهەڵاتی ناوەراستیش كە زۆربەیان دەوڵەت نەتەوەن بۆ ئەوەی بەردەوامی بەخۆیان بدەن، دەیانەوێت هەم دژی دەستوەردانی سەرمایەداری و هەم دژی گەلانی ناوەچەكە بووەستنەوەو بۆ ئەوەش هەوڵ دەدەن. بەڵام گەلێك لەوانە لەناوچوون، ئێمە دژی دەوڵەت نەتەوەین تەنانەت ئەگەر بۆ كوردیش بێت.
جەمیل بایك گوتیشی:” ئێمە كێشەی نەتەوەمان هەیە نەك دەوڵەت بۆیە دەوڵەت بۆ كوردستان ئەگەر تەنانەت یەك پارچەش بێت بە دەوڵەتی خۆمانی نازانین تەنانەت دژی دەوەستینەوە.