كونسوڵی كۆریایی باشوور بزانە چی لەبارەی پرۆژەی وێستگەی کارەبای هەڵم دەلێت
لە وتارێكی دا كە لە كاتی دەست پێكردنی پرۆژەی بەگەڕخستنی وێستگەی کارەبای هەڵمیی خەبات لە پارێزگای هەولێر پێشەكەشی كرد چۆی کوانگ ژین كونسوڵی كۆریایی باشور لە هەرێمی كوردستان رایگەیاند” ئەم پرۆژەیە دەبێتە پڕۆژەیەكی مێژوویی، پەیوەندییەكانی كۆریای باشوور – هەولێر نیشان دەدات كە لە ٢٠١٣ەوە دەستی پێكراوە، هەروەها دەشلێت”كاریگەرییەكی باش بەسەر پەیوەندیی ١٥ ساڵەمان دەبێت”.
هەر لە وتارەكەی دا كۆنسوڵی كۆریایی پاشور دەشلێت”بەم پرۆژەیە ڕوانگگەی كۆریای باشوور بۆ پتەوكردنی پەیوەندییەكانمان كە لە ٢٠٠٤ەوە دەردەخات و هەروەها دەشلێت”ئەم پڕۆژەیە لە ڕووی ئابوورییەوە گرنگە و ١٠٪ی بەرهەمهێنان زیاد دەكات، تێچووەكانیش كەم دەكاتەوە چونكە تەكنەلۆژیای نوێ لەم پڕۆژەیە بەكار هێندراوە.
هەروەها چۆی کوانگ ژین لە وتارەكەی دا دەشلێت”ئەوە وادەكات كە كابینەی نۆیەمی حكوومەتی هەرێمی كوردستان زیاتر شەفافانە كار بكات و كوردستان بەڕێوە ببات. لەم ڕوەشەوە كۆریای باشوور ئامادەیە هاوكاریی خەڵكی كوردستان بكات. دەشلێت”ئەوە وەك ئەوەیە كە منداڵێكی نوێ لەدایك ببێت، با پێكەوە ئاهەنگ بگێڕین و گەشەكردنی بەردەوامیش لە داهاتوودا هەبێت.
هەروەها لەدوایسن قسەكانی لە وتارەكەدا راشی گەیاند” ئەم پڕۆژەیە لەژێر ناونیشانی (ئێمە دۆستی ئێوەین) كراوە، لە ڕووی ئابوورییەوە بە چەندین قۆناغی جیاواز تێپەڕیوە، لەوانە شەڕی داعش و ئێستاش پەتای كۆرۆنا، بەڵام پڕۆژەكانمان بەردەوام پەرە پێدەدەین لە هەرێمی كوردستان. بەڵام ئەم پڕۆژەیە خاڵی وەرچەرخانە لە پەیوەندیی نێوان كۆریای باشوور و هەرێمی كوردستان.
لەكۆتایشدا گوتی “دەمەوێ سوپاسی بێپایانی بەڕێز جەنابی سەرۆك وەزیران و تەواوی حكوومەتی هەرێمی كوردستان بكەم كە بەردەوام لەسەر هێڵ بوون و كاری باشیان كردووە سەرەڕای ئاستەنگەكان، بەڵام توانییان ئەم پڕۆژەیە بە سەركەوتوویی بچێتە خزمەتی خەڵكەوە.
