به‌م نزیكانه شاندێكی باڵای حكومی له هه‌رێمه‌وه ده‌چـــــنه ئێران
له‌م هه‌فته‌یه شاندێكی باڵای حكومی له هه‌ریمی كوردستانه‌وه، سه‌ردانی ووڵاتی ئێران ده‌كه‌ن و سه‌رۆكی شانده‌كه‌ش رایگه‌یاندوه.” كه مه‌به‌ست له سه‌ردانه‌كه زیاتر گرنگی دانه به په‌یوه‌ندییه‌كانی نێوان هه‌ردوولا و باشتركردنی ره‌وشی هاوكاری و گفتوگۆكانی نێوانمان.”
له‌و باره‌وه، (نەوزاد هادی) والی هەولێر كە سەرۆكی شاندی هەرێمی كوردستانه، بۆ ووڵاتی ئێران، رایگه‌یاندوه.” كه رۆژی سێ شه‌ممه 6/3/2018، شاندێك له هه‌ولێره‌وه سه‌ردانی پارێزگای ورمێ ده‌كات له ئێران و مه‌به‌ست له سه‌ردانه‌كه‌ش زیاتر گرنگی دانه به په‌یوه‌ندییه‌كانی نێوان هه‌ردوولا و تێگه‌یشتنی زیاتر و بۆ ئه‌و مه‌به‌سته‌ش هه‌ریه‌كه لە ژورە بازرگانییەكان و گومرگ، هاوسه‌فه‌ر ده‌بن.”
والی هه‌ولێر كه سەرۆكی شاندی هەرێمه بۆ ووڵاتی ئێران ئه‌وه‌شی دووپاتكردۆته‌وه.”كه پارێزگای ورمێ هاوسنورە لەگەڵ پارێزگای هەولێر، بۆیە گفتوگۆ لەسەر ئەو كێشانەی لەنێوان هەردوولا هەیە دەكرێت بۆ ئەوەی چارەسەر بكرێن و هەماهەنگی و پتەوكردنی پەیوەندییەكانی نێوان هەردوولا و ئاڵوگۆڕی بازرگانیی نێوانمان لە خاڵی سنوری حاجی ئۆمەرانیش تەوەرێكی دیكەی كۆبوونەوەكانمان دەبن لەوێ”.
