عه‌بادی كۆتایی به رێكاری ناردنی مووچه‌ی مووچه‌خۆڕانی كوردستان هاتووه و له‌م نزیكانه مووچه ده‌نێرین
له چوارچێوه‌ی سه‌ردانێكی بۆ پارێزگای مووسڵ، حه‌یده‌ر عه‌بادی سه‌رۆكوه‌زیرانی عێراق ته‌ئكیدیكرده‌وه له رێكاره‌كانی خه‌رجكردنی مووچه‌ی فه‌رمانبه‌رانی هه‌رێم ته‌واو بوون و به‌مزووانه خه‌رج ده‌كرێت و ده‌شلێـ”ئه‌مڕۆ چوارشه‌ممه 14/3/2018 فڕۆكه‌خانه‌كانی هه‌رێمی كوردستان به‌ڕووی گه‌شته نێوده‌وڵه‌تییه‌كاندا ده‌كرێنه‌وه”.
هه‌روه‌ها حه‌یده‌ر عه‌بادی گوتیشی”ئه‌مڕۆ هه‌ر دوو فڕۆكه‌خانه‌ی نیوده‌وڵه‌تی هه‌ولێر و سلێمانی به رووی گه‌شته نیوده‌وڵه‌تییه‌كان ده‌كرێنه‌وه و نامانه‌وێت سته‌م له هیچ كه‌سێك بكه‌ین. هه‌رێمی كوردستانیش ره‌زامه‌ندی نیشانداوه ده‌سه‌ڵاتی ئیتیحادی له فڕۆكه‌خانه‌كاندا جێگیر ببێ، هه‌روه‌ها گوتیشی “پێشمه‌رگه هاوشانی سوپای عێراق دژی داعش جه‌نگاون و سه‌ركه‌وتنه‌كان به‌هۆی قوربانیدانی هه‌مووان به‌ده‌ستهاتوون”.
ئه‌مرۆش له كۆنفراسێكی رۆژنامه‌وانی نێوان هه‌ردوو وه‌زیری ناوه‌خۆی عێراق و كوردستان، كرانه‌وه‌ی فرۆكه‌خانه‌كانی هه‌رێمی كوردستانیان راگه‌یاندوو، كه‌ریم شنگالی وه‌زیری ناوه‌خۆش پێشوازی له‌و هه‌وڵه‌ی حكومه‌تی عێراق كرد بۆ چاره‌سه‌ر كردنی كێشه‌كانی هه‌ولێر و به‌غدا به پێی ده‌ستوور”.
