وەزیری نەوتی عێراق : ئێران بەڵینی داوە ئاسایشی نەوت هەڵگرەکان بپارێزێت لە کەنداوی عەرەبیدا
سامر عەبباس ئەڵغزبان ، وەزیری نەوتی عێراق گووتی : حەسەن روحانی سەرۆک کۆماری ئێران بەڵێنی داوە ئاسایشی هەموو کەشتیەنەوت هەڵگرو تیجاریەکانی کەنداوی عەرەبی بپارێزێت کە بە گەرووی هورمزدا تێپەڕ دەبن .
ئەڵغەزبان کە هاورێ لە گەڵ عادل عەبدولمەهدی سەرۆک وەزیرانی عێراق سەردانی تارانی کردبوو دەڵێت : ئێمە خۆمان بەشدار بووین لەو کۆبوونەوەدا کە ئێران سەبارەت بە دابین کردنی ئاسایشی دەریایی و بە تایبەت گەرووی هورمز بەڵینی داوە بۆ ڕێز گرتن لە یاساکانی نێودەوڵەتی .
بە ووتەی وەزیری نەوتی عێراق ئێران پارێزگاری لە هەموو ئەو کەشتیە تیجاریانە دەکات کە بە گەروی هورمزدا تێدەپەڕن .
