سەرکەوت شەمسەدین: ئەفسەرەکەی سەماوە هاوڵاتیەکی عێراقیە بەرگری لێدەکەم
دوای ئەوەی ئەفسەرێکی سوپای عێراق سوکایەتی بە ژمارەیەک کەس و کاری ئەنفالکراوان کرد، کە لەکاتی سەردانی کردنی گۆڕی بەکۆمەلی کەسوکاریان کرد بوو لە پارێزگای سەماوە، ئەگەر چی پارێزگاری موسەنا داوای لێبوردنی لە گەلی کورد کرد، بەڵام پەرلەمانتارێکی کورد لە پەرلەمانی عێراق، بەرگری لە ئەفسەرە عێراقیەکە دەکات.
سەرکەوت شەمسەدین، پەرلەمانتاری عێراق لە وتارێکیدا کە لە ژمارەیەک مالپەڕ بڵاکراوەتەوە ڕایگەیاندووە، ئەفسەرە عێراقیەکە ئەرکی خۆی جێبەکێکردووە، وەک پەرلەمانتارێکی عێراق ئامادەم بەرگری لێبکەم، پاساو بۆ بێڕێزیەکە بە بازگەکانی هەرێم دەهێنێتەوە کە گوایە بێرێزێ بەعەرەب دەکەن”.
ئەو پەرلەمانتارەی عێراق دەشلێت:” پێم سەیرە پارێزگاری موسەنا داوای لێبوردن دەکات خۆ ئەفسەرەکە تاوانی نیە، بە چ مافێک دەبێت ئاڵای کوردستان لە پارێزگای موسەنا هەلبکرێت.
بەختیار تاڵەبانی، چاودێری سیاسی لە پێگەی تایبەتیی خۆی لە تۆڕی کۆمەڵایەتیی (فەیسبووک) وەڵامی ئەو پەرلەمانتارە دەداتەوە بڵاوی کردووەتەوە: ”لە کاتێکدا کوردستان زیاتر لە دوو ملیۆن عەرەبی حەواندۆتەوە، کاکی پەرلەمانتاریش وەک پاساوهێناوەیەک بۆ ئەو ئەفسەرەی کە سووکایەتی بە خانەوادەی ئەنفال و ئاڵای کوردستان کرد، دەڵێت ئەگەر کورد لە بازگەکانی کوردستان مامەڵەی باشیان لەگەڵ عەرەبزمان بکردایە، ئەوا ئەو ئەفسەرەش ئەم پەرچەکردارەی نەدەبوو“.
هەروەها نووسیویەتی: ”ئەو ئەفسەرە عەرەبەش چوار کوردزمانی وەک تۆی لە بەغدا بینیوە کە رۆژانە بە زمانی عەرەبی لە کەناڵەکانیان سووکایەتی بە کورد و پیرۆزییەکانی دەکەن، بۆیە لەخۆی رابینیوە ئەو قەباحەتە بکات“.
