هادی عامری و موقته‌دا سه‌در رێككه‌وتن بۆ پێشكه‌ش كردنی ناوی كاندیدی سه‌رۆك وه‌زیرانی عێراق
دوای نزیكه‌ی سێ مانگ له ده‌ست له‌كاركێشانه‌وه‌ی عادل عه‌بدولمه‌هدی سه‌رۆك وه‌زیرانی عێراق لایه‌نه سیاسه‌كانی عێراق نه‌یان ده‌توانن بگه‌نه رێككه‌وتن بۆ دیاری كردنی سه‌رۆك وه‌زیرانی نوێی عێراق، میدیاكانیش ئاماژه به‌وه ده‌كه‌ن كه هه‌وڵه‌كان چڕكراونه‌ته‌وه له نێوان هادی عامری و موقته‌دا سه‌در بۆ رێككه‌وتن له باره‌ی كاندیدیێك و بڕیاره ژماره‌یه‌ك كاندید پێشكه‌شی په‌ربه‌مان بكه‌ن كه هه‌لبژێردراوی هه‌ردوو لان.
لەوبارەیەوە رۆژنامەی “سەباح”ی نیمچەفەرمی سەبارەت بەوردەكاری رێككەوتنەكەی نێوانیان بڵاویكردوەتەوە، سەدر و عامری رێككەوتون لەسەرئەوەی بابەتی گەورەترین فراكسیۆن تێپەڕێنن، هەربۆیە چەند ناوێك بۆ پۆستی سەرۆك وەزیران پێشكەشی فراكسیۆنەكان دەكەن لەناویشیاندا فراكسیۆنە كوردستانی و سوننیەكان.
هه‌روه‌ها رۆژنامه‌كه ناوه‌ڕۆكی رێككه‌وتنه‌كه‌ی بڵاو كردۆته‌وه كه هه‌ردوو لا بۆئەوەی كەسێكی گونجاو لەلایەن ئەو فراكسیۆنانەوە هەڵبژێردرێت پێش ئەوەی ناوەكەی ئاراستەی سەرۆك كۆمار بكرێت بۆئەوەی رایبسپێرێت بۆ پۆستی سەرۆك وەزیران، ژماره‌یه‌ك كاندید پێشكه‌ش ده‌كه‌ن.
هه‌روه‌ها رۆژنامەكە ناوی كاندیده‌كانی ئاكشراكردووه كه هه‌ریه‌كه له ، عەلی شوكری راوێژكاری سەرۆك كۆمار، محەمەد تۆفیق عەللاوی وەزیری پێشوتری پەیوەندیەكان لە دیارترین پاڵێوراوەكانن، هەركاتێك یەكێكیان دیاریكرا، ئەوا كاتی هەڵبژاردنی پێشوەخت و بەرنامەكەی حكومەتیش دیاری دەكرێن.
