هاوپەیمانی دەریایی لە گەروی هورمز پشتیوانی زیاتر دەکرێت لە دژی ئیران
وەزارەتی دەرەوەی فەڕەنسا ڕایگەیاند وڵاتانێکی زیاتری ئەورووپایی پشتیوانی خۆیان بۆ هاوپەیمانی دەریایی لە گەروی هورمز دەربڕیوە .
رۆیتەرز لەمبارەوە دەنووسێت ، وڵاتانێکی وەکو ئاڵمانیا ، بەلجیکا ، دانیمارک ، یۆنانستان ، ئیتالیا ، هۆڵەندا ، پۆرتۆگال و فەڕەنسا پشتیوانی ڕاستەوخۆیان بۆ ئەو هاوپەیمانییە دەربڕیوە کە راستەوخۆ بەرژەوەندییەکانی ئابووری نەوتی وڵاتانی جیهانی دەپارێزێت و ئێران ناچار بە چۆکدادان دەکات .
هاوکات رۆیتەرز باس لەوە دەکات بەم نزیکانە هەموو ئەو وڵاتانە بە شێوەی فەرمی لە بواری سەربازی و لۆجستیکی ئەو هاوپەیمانییە بەهێزتر دەکەن .
