سەرۆکی حکومەتی هەرێمی کوردستان و وەزیری دەرەوەی فەرەنسا کۆبوونەوە
لە بەردەوامی کۆبوونەوەکانی ئەمڕۆدا لە پەراوێزی کۆنفرانسی ئاسایشی میونشن ، مەسرور بارزانی سەرۆکی حکومەتی هەرێمی کوردستان لە گەڵ لە جان ئیڤ لۆدریان، وەزیری دەرەوەی فەرەنسا کۆبۆوە .
لەو کۆبوونەوەدا دوایین پێشهاتەکانی ناوچەیی و عێراق تاوتوێ کران و وەزیری دەرەوەی فەڕەنسا پشتیوانی وڵاتەکەی بۆ هەرێمی کوردستان دووپات کردەوە .
هاوکات باس لە هۆکارە گرینگەکانی مانەوەی هێزی هاوپەیمانان لە عێراق دەکات و دەڵێت بۆ شکستی تیرۆریستان و دابینکردنی ئاسایشی ناوچەیی مانەوەیان پێویستە .
مەسرور بارزانی سەرۆکی حکومەتی هەرێمی کوردستان سوپاس و پیزانینی خۆی ئاراستەی وەزیری دەرەوەی فەڕەنسا دەکات کە بەردەوام هەوڵێستی جیاوازیان بە رانبەر بە کورد هەبووە .
لە کۆتاییدا سەرۆکی حکومەتی هەرێمی کوردستان با س لە کابینەی داهاتووی عێراق دەکات و دەڵێت پیویستە بە پێی مافەکانی دەستووری ڕیز لە قەوارەی هەرێمی کوردستان بگیرێت .
