وەزارەتی ئەوقاف وکاروباری ئایینی روونکردنەوەیەک بڵاو دەکاتەوە
وەزارەتی ئەوقاف و کاروباری ئایینی لە روونکردنەوەیەکدا هەموو ئەو هەواڵانە ڕەت دەکاتەوە کە لە هەندێک پەیج دا بە ناوی ئەوانەوە ڕاگەیاندراو بڵاو کراوەتەوە کە گۆیا لە مانگی ڕەمەزاندا دەرگای مزگەوتەکان دەکرێنەوە .
دەقی روونکرنەوەکە
لەھەندێ پەیج و ئەکاونتی جیای تۆرە کۆمەڵایەتیەکان بەناوی وەزارەتی ئەوقاف وکاروباری ئایینی باس لەکردنەوەی دەرگای مزگەوتەکان لەمانگی رەمەزانی پیرۆز دەکەن ھەروەھا لێدوانی جیاو ناراست بەناوی وەزارەتمان بڵاوودەکرێتەوە،
لێرەوە رایدەگەێنین کە سەرلەبەری ئەم ھەواڵ و وتانە دوورن لە راستیەوە، حکومەتی ھەرێمی کوردستان لەھەر کەس و لایەنێک بە پەرۆشترە بۆکردنەوەی دەرگای مزگەوتەکان بەڵام لەئێستادا پاراستنی تەندروستی و سەلامەتی گیانی ھاوڵاتیانی ئازیز کاری لەپێشینەی حکومەتی ھەرێمی کوردستانە.
ئەم بابەتانەش پەیوەست نین بە بەبریاری وەزارەتێک بەڵکو لێژنەی باڵای رووبەرو بوونەوەی ڤایرۆسی کۆرۆنا لەحکومەتی ھەرێمی کوردستان و وەزارەتی تەندروستی بەرەچاوکردنی باش بوونی ژینگەی تەندروستی بریار لەسەر ئەم بابەتانە دەدەن، لێرەوە رایدەگەێنین ھەر کەس و لایەنێ لێدوان بەناوی وەزارەتمانەوە بڵاو بکاتەوە رێکاری یاسایی بەرامبەر دەگیرێتەبەر
وەزارەتی ئەوقاف وکاروباری ئایینی
١٢⁄٤⁄٢٠٢٠
