راوێژکارێکی دۆناڵد ترەمپ: چین لە رێگەی گەشتیارییەوە کۆرۆنای بە جیهاندا بڵاوکردەوە
پیتەر نافارۆ گه‌وره راوێژکاری دۆناڵد ترەمپ بۆ کاروباری سیاسەت و بازرگانی، دەسەڵاتدارانی چین تۆمەتبار دەکات بەوەی لە رێگەی هاوڵاتییە گەشتیارەکانیەوە ڤایرۆسی کۆرۆنای بە جیهاندا بڵاوکردەوە.
پیتەر نافارۆ گه‌وره راوێژکاری سەرۆکی ئەمریکا له چاوپێگه‌وتنێكی کەناڵی (ئەی بی سی نیوز) بڵاوكره‌وه‌ته‌وه ده‌ڵێ، لە مانگی 11 ی ساڵی 2019 ژمارە سفری توشبوونی کۆرۆنا لە ووهان دەستنیشانکرا، چینییەکان بۆ ماوەی دوو مانگ ئەوەیان لە رێکخراوی تەندروستی جیهانی شاردەوە، بۆیە لە ڕێگەی فرۆکەوە بە سەدان چینییان ناردە میلانۆ و نیۆرک و جیهان، ڤایرۆسەکەیان بڵاوکردەوە.
نافارۆ ئاماژەی بەوەشکردووە، چین دەیتوانی بڵاوبونەوەی ڤایرۆسی کۆرۆنا کۆنترۆڵ بکات و رێگە لە چونەدەرەوەی لە ووهانەوە بگرێت بۆ جیهان.
