سەرۆکی هەرێمی کوردستان و سەرۆک وەزیرانی عێراق لە کۆبوونەوەی ئەمڕۆ دا بڕیار لە سەر خاڵێکی هاوبەش دەدن
دوای ئەوەی کۆبوونەوەی نێچیرڤان بارزانی سەرۆکی هەرێمی کوردستان و مستەفا کازمی سەرۆک وەزیرانی حێراق کۆتایی پێهات ئەنجومەنی وەزیرانی عێراق ڕاگەیاندراوێکی لە بارەی کۆبوونەوەکە بڵاو کردەوە .
لە ڕاگەیاندراوەکەی ئەنجومەنی وەزیارنی عێراق دا هاتووە ، لە کۆبوونەوەی ئەمڕۆ دا باسی کێشەکانی نێوان حکومەتی فیدراڵی و حکومەتی هەرێمی کوردستان کراوە و جەخت لە چارەسەری کێشەکان لەسەر بنەمای دەستوور کراوەتەوە، بە تایبەت کە ئێستا عێراق رووبەڕووی چەندین کێشە ی سیاسیی و ئابووری بۆتەوە
هەر لە ڕاگەیاندراوەکە ئاماژە بەوە کراوە ، مستەفا کازمی راگەیاندووە، کە هاوکاری و هەماهەنگی نیشتمانی بۆ تێپەڕاندی دۆخی مەترسیداری ئێستا گرینگی خۆی هەیە ، بە تایبەت قەیرانی ئابووری دوای دابەزینی نرخی نەوت کە هۆکارەکەی هاتنی ڤایرۆسی کۆرۆنا بوو
