حكوومەتی هه‌رێمی كوردستان پڕۆژەیەكی گرنگی لە سلێمانی ڕاگەیاند
وەزیری پلاندانانی حكوومەتی هەرێمی كوردستان، پڕۆژەی ڕووپێوی بۆ دیاریكردنی خێزانە هەژارەكان لە پارێزگای سلێمانی ڕاگەیاند.
ئەمڕۆ شەممه 10ی ئۆكتۆبه‌ری 2020. دارا ڕەشید وەزیری پلاندانانی حكوومەتی هەرێمی كوردستان لە كۆنگرەیەكی ڕۆژنامەوانیدا ڕایگەیاند، پڕۆژەی رووپێوی هەژاری رادەگەیەنین و ماوەی ساڵێك بەردەوام دەبێت.
وەزیری پلاندانان گوتی، ئەو پڕۆژەیە سندووقی هاوكاری گەشەپێدانی كۆمەڵایەتییە كە هەر ساڵە و لە پارێزگایەك ئەنجام دەدرێت، ساڵی ڕابردوو لە دهۆك بوو ئەمساڵ لە پارێزگای سلێمانی دەبێت و ماوەی ساڵێك دەخایەنێت، هەروەها لە چەند پارێزگایەكی عێراقیش ئەم پڕۆژەیە جێبەجێ دەكرێت.
باسی لەوەش كرد، كەمترین ڕێژەی هەژاری لە سلێمانییە و زۆرترینی لە پارێزگای دهۆكە، ئەم پڕۆژەیە لە بواری خزمەتگوزاری و كۆمەڵایەتی دەبێت و بەتایبەت لە گوند و شارەدێكان جێبەجێ دەكرێت لە سنووری پارێزگاكان، هەروەها ئەم پڕۆژەیە بە هاوئاهەنگی نێوان هەردوو وەزارەتی پلاندانانی هەرێم و عێراقە.
