سەرۆکی حکوومەتی هەرێمی کوردستان پێشوازی لە باڵوێزی نوێی ڕووسیا لە عێراق دەکات
سەرۆکی حکوومەتی هەرێمی کوردستان پێشوازیی لە باڵوێزی نوێی ڕووسیا لە عێراق كرد و چه‌ند بابه‌تێكیان تاوتوێ كرد.
ئەمڕۆ دووشەممە 2021/7/5، مەسرور بارزانی، سەرۆکی حکوومەتی هەرێمی کوردستان پێشوازیی لە ئیلبروس کوتراشیڤ، باڵوێزی نوێی ڕووسیا لە عێراق و شاندێکی یاوەری کرد، سەرۆکی حکوومەتى هه‌رێمى كوردستان پیرۆزبایی دەستبەکاربوونی لە باڵوێزی نوێی ڕووسیا کرد، هیوای سەرکەوتنی بۆ خواست لە ئەرکەکانیدا بۆ بەرەوپێشبردنی پەیوەندییەکانی ڕووسیا لەگەڵ عێراق و هەرێمی کوردستان.
باڵوێزی ڕووسیا وێڕای ستایشکردنی پێشکەوتن و ئاوەدانیی هەرێمی کوردستان، ئامادەیی وڵاتەکەشی بۆ برەودانی پەیوەندییەکان لەگەڵ هەرێمى كوردستان دەربڕی، بە تایبەتی لە بواری پەرەپێدانی ئاڵوگۆڕی بازرگانی و وەبەرهێناندا.
