چه‌كداره ئێزییدییه‌كانی نێو په‌كه‌كه له شنگال واز ده‌هێنن و ده‌بن به پێشمه‌رگه.
خواكوڕك
پاش ئه‌وه‌ی هێزی چه‌كدار له لایه‌ن په‌كه‌كه وه له شنگال دروستكرا و خۆیان به كوردی ڕه‌سه‌ن زانی و خه‌ڵكی ناوچه‌كه‌ش بۆ ئه‌و مه‌به‌سته پشتگیریان كرد و چوونه نێو ریزه‌كانی په‌كه‌كه، به‌ڵام سه‌ر ئه‌نجام ئه‌وه‌ی بینرا وانه‌بوو جگه له‌وه‌ی په‌كه‌كه ئه‌جیندای ده‌ره‌كی جێ به‌جێ ده‌كات و بوه‌ته دارده‌ستی مالیكی و ئێران و شه‌ڕی خه‌ڵكی تر به كورد و ئێزیدی ده‌فرۆشی، چه‌كداره‌‌كانی نێو ئه‌و هێزه‌ش په‌یتا په‌یتا له ریزه‌كانی په‌كه‌كه پاشه‌كشه ده‌كه‌ن و ده‌بن به پێشمه‌رگه.
به پێی هه‌واڵێكی كوردستان24 كه ڕایگه‌یاندوه” له ماوه‌ی 3 رۆژی رابردوودا 53 چه‌كداری كوردی ئێزدی كه چه‌كداری په‌كه‌كه بوون، په‌یوه‌ندییان به فه‌رمانده‌یی شنگالی هێزی پێشمه‌رگه‌ی كوردستانه‌وه كردووه و وازیان له په‌كه‌كه هێناوه، هیچ بڕوایه‌كیان نه‌ماوه به په‌كه‌كه چونكه ئه‌وه‌ی په‌كه‌كه ده‌یكات بریتی یه له ماڵ وێرانی و خه‌ڵك كوشتن و كاولكاری له ناوچه‌كه.
ئه‌وه‌ی شایه‌نی باسكردن بێ” له كاتی داگیركردنی ناوچه‌كانی شنگال له لایه‌ن چه‌كدارانی داعشه‌وه، هێزه‌كانی په‌كه‌كه به چه‌ند شێوه‌یه‌ك خۆیان گه‌یانده چیای شنگال و ناوچه‌كانی ئێزدییه‌كان و به چری ده‌ستیانكردبوو به بانگه‌شه بۆ خۆیان و ژماره‌یه‌ك له كورده ئێزدییه‌كانیان بردبووه ریزه‌كانی خۆیانه‌وه، زۆر جاریش خه‌ڵكی ناوچه‌كه هاواریان لێهه‌ستاوه و رایانگه‌یاندووه” كه په‌كه‌كه به زۆر منداڵه‌كانیان په‌لكێشی ناو هێزه‌كانی خۆی ده‌كات و ده‌یانكاته چه‌كداری خۆی”.
ئێستاش چه‌كدارانی په‌كه‌كه له‌و ناوچانه‌دا له‌گه‌ڵ هێزه‌كانی پێشمه‌رگه‌دا گرژی درووست ده‌كه‌ن و دوێنێش پاش ئه‌وه‌ی له شاری حه‌سه‌كه‌ی رۆژئاوای كوردستانه‌وه ژماره‌یه‌كی زۆر خه‌ڵكیان هێنابووه ناوچه‌كانی خانه‌سۆر و پشێوییان نابووه‌وه، خه‌ڵكی ده‌ڤه‌ره‌كه بێزاری خۆیان له‌و هه‌ڵسوكه‌وتانه ده‌ربڕی به تایبه‌تی كه زۆرێك له‌و كه‌سانه‌ی هێنرابوون، به گووته‌ی به‌رێوه‌به‌ری شاره‌دێی سنونێ عه‌ره‌به‌كانی پارێزگای حه‌سه‌كه بوون له رۆژئاوای كوردستان.
