وەزارەتی گواستنەوە و گەیاندن: لە کاتی تاقیکردنەوەکان هێڵی ئینتەرنێت دەبڕێت

دیلان رەشاد، گوتەبێژی وەزارەتی گواستنەوە و گەیاندن ڕایگەیاند: ”لەسەر داواکاریی وەزارەتی پەروەردە و لەپێناو بەرژەوەندیی گشتی، تەنیا لەو ڕۆژانەی کە لە خشتەی نووسراومان دیاریکراوە، خزمەتگوزاریی ئینتەرنێت و کورتەنامە و نامەی وێنەیی لە کاتژمێر (6:30)ی بەیانی تاوەکوو کاتژمێر (7:30)ی بەیانی ببڕدرێت.

هاوکات لە ڕاگەیاندنەکەی وەزارەتی گواستنەوە و گەیاندندا ئەم تێبینییەش خراوەتە ڕوو کە: ”ئەم شوێنانەی خوارەوە بەدەرن لە نووسراوی وەزارەتمان تایبەت بە بڕینی خزمەتگوزاریی ئینتەرنێت لە ڕۆژانی تاقیکردنەوە، واتە نابێت لە هیچ حاڵەتێکدا هێڵی ئینتەرنێتیان ببڕدرێت:

1- سەنتەری زانیاریی هەژماری من، لە گەڕەکی (32)ی پارک.

2- سەرجەم ئامێرەکانی ڕاکێشانی پارە (ATM).

3- سەرجەم بانکەکان.

4- فڕۆکەخانەکان.

5- داتا سەنتەری (پرۆژەی ڕووناکی) و (پێوەری زیرەک).

6- هەندێک شوێنی دیکە هەن کە بەپێی سنووری کارکردنی کۆمپانیاکان ئاگادارتان دەکەین.

وەزارەتەکە ڕوونیشی کردووەتەوە: ”لە (3) تاقیکردنەوەی یەکەمدا ئینتەرنێت نابڕدرێت. وەزارەتی پەروەردە خۆیان بەو شێوەیە داوایان کردووە.

واتە بەپێی ئەو خشتەیە جێبەجێ بکرێت کە لە نووسراوەکەی ئێمەدا هاتووە.