زیاتر له 200 كه‌س به‌هۆی بومه‌له‌رزه‌وه گیانیان له ده‌ستدا
له ئاكامی بومه‌له‌رزه‌كه‌ی شه‌وی رابردوو زیاتر له 200 كه‌س له ئێران گیانیان له ده‌ستدا و له سه‌رووی 1500 كه‌سیش بریندار بوون.
ئاژانسی تەسنیمی ئێرانی له باره‌ی بومه‌له‌رزه‌كه‌وه رایگه‌یاندوه” كە ئەو بومەلەرزەیە له پێشدا شاری كرماشانی گرتەوە بە گوڕی 7.3 پلەی رێختەرو دواتریش لە بومەلەرزەیەك بە گوڕی 4.5 پلەی رێختەر پارێزگاكانی سنە، هەمەدان، ئیلام، ئاراك و تەبرێز رویداوە.
به‌پێی زانیاری ئاژانسه‌كه” ئەو بومەلەرزەیەوە زیاتر لە 200 كەس گیانیان لەدەستداوە‌و 1686 كەسیش بریندار بوون و چاره‌سه‌ری پزیشكیان بۆ ئه‌نجامدراوه.
هه‌ر شه‌وی رابردوو بومه‌له‌رزه له سه‌رجه‌م شاره‌كانی هه‌رێمی كوردستانی دا و له زۆر شوێن زیان و زه‌ره‌ری هه‌بوو له ئاكامیشدا 6 هاووڵاتی له سنوری ده‌ربه‌ندیخان و كه‌لار گیانیان له‌ده‌ستدا و به سه‌دان كه‌سیش بریندار بوون و زیانی ماڵی به‌ر زۆر شوێن كه‌وتووه”
