نێچیرڤان بارزانی: بلێنه ئه‌و ئه‌وانه‌ی كه به‌ته‌مان به‌ئه‌نته‌رپوڵ ئاشتی بهێنه‌وه خۆیان سه‌خه‌ڵه‌ت نه‌كه‌ن خۆی له‌و ماوه‌یه دێته‌وه
له كۆنفراسێكی رۆژنامه‌وانی دا پاش كۆبوونه‌وه‌ی ئه‌نجوومه‌نی وه‌زیران نێچیرڤان بارزانی له‌باره‌ی ده‌نگۆی هه‌ڵاتنی ئاشتی هه‌ورامی ده‌لێـ”خه‌ڵكێك ده‌ستیان كردووه به كه‌مپین بۆ هێنانه‌وه‌ی ئاشتی هه‌ورامی و یان ده‌لێن، له‌رێگای پۆلیسی نێوده‌وڵه‌تی ئه‌نته‌ر پوڵ (د. ئاشتی هه‌ورامی) ده‌هێنینه‌وه، با ئه‌و ئه‌ركه نه‌كێشن، چونكه ناوبراو بۆ كاری وه‌زاره‌ته‌كه‌ی له‌ده‌ره‌وه‌ی وڵاته، خۆی ده‌گه‌رێته‌وه”.
هه‌ر له كۆنگره‌ی رۆژنامه‌وانیه‌كه‌دا نێچیرڤان بارزانی سه‌رۆكی ئه‌نجوومه‌نی وه‌زیرانی راشی گه‌یاند”لە چەواشەکاری و هەڵخەڵەتاندنی خەڵک لەلایەن بەغداوە نیگەرانین، ئێستا نیوەی ئەو نەوتەی پێشتر دەمانفرۆشت لەدەست بەغدایە، کەچی نە خۆیان سوودی لێوەردەگرن، نە رێگە دەدەن ئێمە بیفرۆشین و مووچەی خەڵکی پێبدەین، هه‌روه‌ها سەرۆکی حکومەت لەبارەی مووچە ده‌شلێـ”بەردەوامدەبین و ئێستا دابەشدەکرێت، ئێستا نیوەی ئەو نەوتەی هەناردەمان دەکرد لەدەست حکومەتی عێراقە، سوودیشی لێوەرناگرن، بەڵام لێناگەڕێن ئێمە سوودی لێوەرگرین و مووچەی پێ دابینبکەین” گوتیشی: “هەرێمی کوردستان ئێستا لە بارودۆخێکی زۆر سەختدایە، تێگەیشتنی هاووڵاتیان بۆ ئەم پرسە زۆر گرنگە، پێشتریش بەڕوونی گوتوومانە هەتا پێمانبکرێ بەردەوامدەبین، ئەگەر نەشمانتوانی بە ئاشکرا بە خەڵک دەڵێین بارودۆخە بەمشێوەیە و چیدی ناتوانین مووچە دابینبکەین”.
له‌باره‌ی حكومه‌تی عێراق و خه‌می خه‌ڵكی كوردستان، نێچیرڤان بارزانی ده‌شلێـ” حکومەتی عێراق بەردەوام دەڵێت لە خەمی خەڵکی هەرێمی کوردستاندان، کەچی ئامادەنین ئێمە نەوت بفرۆشین و مووچەی پێ دابینبکەین، تەنانەت تاوەکو دەگەینە رێککەوتنێکی گشتی، ئەوە چەواشەکارییە و ئێمە لە چەواشەکاری و هەڵخەڵەتاندنی خەڵک نیگەرانین”.
