ئێران سزای لێدانی پەنجا قامچی بەسەر ژنە چالاكوانێكی كورددا سەپێنرا
كۆمەڵەی مافی مرۆڤی كوردستان بڵاویكردەوە كە دادگای گشتی شاری سەقزی سەر بە پارێزگای سنە سزای لێدانی ٥٠ قامچیی بەسەر ژنەچالاكوانێكی رۆژهەڵاتی كوردستاندا بەناوی (زەمانە زێویە)دا سەپاندووە ئەوەش بەهۆی ئەوەی كە لە خۆپیشاندانەكانی پشتگیریی ریفراندۆمی هەرێمی كوردستاندا لە شاری سەقز بەشداری كردبوو.
بەپێی بڕیارەكەی دادگا (زەمانە زێویە) بە تۆمەتی “تێكدانی ئاسایشی گشتی” بە لێدانی ٥٠ قامچی لەبەرچاوی خەڵك سزا دراوە، ئەوەش لەكاتێكدایە كە (زەمانە زێویە) دەبێت چاوەڕێی بڕیاری دادگای شۆڕشی ئێران بمێنێتەوەو لەوێشدا جارێكی دیكە دادگایی بكرێت.
بەپێی رێكخراوی مافی مرۆڤی هەنگاوی، جگە لە سزای لێدانی ٥٠ قامچی ئەو ژنە چالاكوانە یەك ملیۆن و ٨٠٠ هەزار تمەن غەرامەی بۆ بڕاوەتەوە.
شایەنی ئاماە پێدانە (زەمانە زێویە) خوێندكاری قۆناغی چوارەمی یاسایە لە زانكۆی پەیام نوری سەقز ، لەخۆپیشاندانەكانی شاری شەقز بۆ پشتیوانی لە ریفراندۆمی هەرێمی كوردستان دەستگیركرابوو و پاش ڕۆژێك بە دانانی بارمەتی ٨٠ ملیۆن تمەن ئازادكرا.
