میدیاكانی توركیا: شه‌ڕ له نێو گه‌ره‌كان ده‌ستیپێكرد و سوپای توركیا چوونه نێو عه‌فرین.
به‌پێی هه‌واڵی میدیاكانی توركیا بێت، هێزه شه‌ڕكه‌ره‌كانی سوپایی ئازاد كه‌ش ه‌ڕ بۆ سوپایی تورك ده‌كه‌ن له‌گه‌ڵ جه‌ندرمه‌ی توركی، چوونه‌ته نێو شاری عفرین و شه‌ڕێكی سه‌خت به‌رده‌وامه، له به‌رامبه‌ردا یه‌په‌گه هه‌واڵه‌كه پشت راستناكاته‌وه و دڵێن.” چه‌كدارێكی زۆرمان كووشتون و به به ده‌یه‌هایان لێگیراوه به دیل.”
ئه‌مڕۆ یه‌ك شه‌ممه 18/3/2018، میدیاكانی توركیا بڵاویانكردووه‌ته‌وه.” كه هێزه‌كانی سوپای توركیا و میلیشیا چه‌كداره‌كانی سووریا كه شه‌ڕ بۆ ئه‌نقه‌ره ده‌كه‌ن، چوونه‌ته ناو شاری عه‌فرینه‌وه، شه‌ڕیكی سه‌خت به‌رده‌وامی هه‌یه و چه‌ند ناوچه‌یه‌كیان كۆنتڕۆڵكردوه و له پێشڕه‌ویكردنندا، هه‌ر له‌و باره‌وه، به‌پێی هه‌واڵی كه‌ناڵی CNN TURK سوپای توركیا له رۆژهه‌ڵات و رۆژئاواوه هێرشێكی فراوانی بۆ سه‌ر ناوه‌ندی شاری عه‌فرین ده‌ستپێكردووه‌و چووه‌ته ناو شاره‌كه‌وه.
هه‌ر به‌پێی زانیارییه‌كان، دوای دوو رۆژی نیمچه ئارام، فڕۆكه جه‌نگییه‌كانی توركیا به چڕی ناوه‌ندی شاری عه‌فرین بۆمباباران ده‌كه‌ن و شه‌ڕێكی سه‌خت ده‌ستیپیكردووه‌و ده‌نگی ته‌قینه‌وه له ناوه‌ندی شاره‌كه بیستراوه، فرۆكه‌كانی سوپای تورك به‌هه‌ڕه‌مه‌كی هێرش ده‌كه‌نه سه‌ر خه‌ڵكی سڤیل و چه‌كدارانی یه‌په‌گه و خه‌ڵك تێكڕا تووشی شڵه‌ژاوی و كاره‌سات بوون و قوربانی زۆر هه‌یه.
هه‌ر له‌و باره‌وه، سوپای سووریای ئازاد كه میلیشیایه‌كی سوورییه و شه‌ڕ بۆ توركیا ده‌كه‌ن و رایده‌گه‌ێنن.” كه تێرمیناڵی كۆن و گه‌ڕه‌كه‌كانی ئه‌شره‌فییه و جه‌میلییه‌مان له عه‌فرین كۆنترۆڵكردووه.
له به‌رامبه‌ریشدا ئاژانسی (فورات نیووز)ی نزیك له په‌كه‌كه رایگه‌یاندوه.” كه به‌هۆی ده‌ستپێكردنه‌وه‌ی شه‌ڕێكی سه‌خت له‌نێوان هێزه‌كانی سووریای دیموكراتی و سوپای توركیا و میلیشیاكانی سووریا له گه‌ڕه‌كه‌كانی ئه‌شره‌فییه و مه‌حموودیه‌ی ناو شاری عه‌فرین، ژماره‌یه‌كی زۆری سه‌رباز و چه‌كدارانی توركیا و میلیشیاكانی سووریا كوژراوون و به دیل گیراوون، هه‌روه‌ها سه‌ره‌ڕای بۆمبابارانی چڕی فڕۆكه جه‌نگییه‌كانی توركیا، له‌و دوو گه‌ڕه‌كه‌دا سوپای توركیا و میلیشیاكانی سووریا ژماره‌یه‌كی زۆر كوژراو و دیلیان هه‌یه و تا ئێستا شه‌ڕه به‌رده‌وامه.
ئه‌وه‌ی شیاوی باس بێت.” له ماوه‌ی 58 رۆژی شه‌ڕ له نێوان هه‌ردوولا به فه‌رمی یه‌په‌گه، هیچ بابه‌تێكی له‌وجۆره‌ی بڵاونه‌كردۆته‌وه و ته‌نها ده‌ڵێن به‌رگری ده‌كه‌ین، و به سه‌ده‌ها هه‌زار خه‌ڵكی سڤیل ئاواره بوون و به هه‌زاران هاووڵاتی سڤیل به تۆپ و بۆمبارانی سوپای توركیا و فرۆكه‌كانیان شه‌هید و بریندار بوون.
