ماڵپهری فهرمی ههدهپه چی لهسهر كۆبوونهوهی سهرۆك بارزانی و فراكسیۆنهكهی بڵاوكردۆتهوه
![](https://xwakurk.com/wp-content/uploads/2018/04/432534647657.jpg)
ئهمرۆ 7ی 4ی 2018 ماڵپهری فهرمی پارتی دیموكراتی گهلان( ههدهپه) له ههواڵێكی دا لهمهر سهردانی كردنی شاندی پارتهكهی بهسهرۆكایهتی پەروین بوڵدان هاوسەرۆکی هەدەپە لە پیرمام لەگەڵ سەرۆک بارزانی کۆبوونەوەتەوە و کۆبوونەوەکەش بۆ ماوەی کاتژمێرێک و نیو بەردەوام بووە”.
ههر لهبارهی شاندهكهی ههدهپه ماڵپهرهكه بڵاویشی كردۆتهوه، لە کۆبوونەوەکە گفتوگۆ لەبارەی یەکێتی نەتەوەیی و یەکڕیزی نێوان لایەنە کوردییەکان و بارودۆخی ناوچەکە کراوە”.
ماڵپهری تایبهتی سهرۆك بارزانیش لهو بارهیهوه رایگهیاندووه”سەرۆك بارزانی بە گەرمی بەخێرهاتنی شاندی باڵای هەدەپەی كرد و سوپاسی هەڵوێستی ئەو حزبە و كوردانی باكووری كرد. هەروەها ڕۆشنایی خستەسەر وردەكاری ڕووداوەكانی دوای ڕیفراندۆم و تەئكیدی لەوە كردەوە كە بژاردەی سەرەكیی گەلی كوردستان لە هەموو قۆناغێكدا ئاشتی بووە و هەمیشە شەڕی بەسەردا سەپێندراوە. سەرۆك بارزانی داوایشی كرد كە پێویستە هەموومان لەسەر ڕێگەچارەی واقعیانە و ئاشتیانە بگەینە ئەنجام و لەگەڵ ئەوەیشدا زمانی زۆرداری و چەك و خۆسەپاندن ئەنجامی نابێت.
ماڵپهری تایبهتی سهرۆك بارزانی ئهوهشی بڵاو كردۆتهوه، لە دیدارەكەدا شاندی باڵای هەدەپە سەرەخۆشییان لە سەرۆك بارزانی كرد بەبۆنەی كۆچی دوایی دلۆڤان ئیدریس بارزانی و هاوخەمیی خۆیان بۆ سەرۆك بارزانی دەربڕی. وێڕای ئاماژەدان بە كێشە و تەحەددیاتی بەردەم گەلی كوردستان لە توركیا و عێراق و گۆڕانكاری و پێشهاتەكانی ڕۆژئاوا و شەڕی عەفرین ئەوەیان خستەڕوو كە دیداریان لەگەڵ سەرۆك بارزانی لەو كات و ساتەدا زۆر مانا دەگەیێنێت. هەروەها ڕۆشناییان خستەسەر ڕووداوەكانی دوای ڕیفراندۆم و جەختیان لەوە كردەوە كە كێشەكانی بەردەم گەلی كوردستان لە ناوچەكەدا پەیوەستە بە یەكتر و داوای هەماهەنگی و ڕاوێژی نێوان لایەنە سیاسییەكانی كوردیان كرد.
ههروهها له ههواڵهكهشدا هاتووه” لە بەشێكی دیكەی ئەو كۆبوونەوەیەدا شاندی میوان باسیان لە دەرئەنجامی كۆنگرەی حزبەكەیان كرد و كورتەیەكیان لە ڕەوشی سیاسیی توركیا و بارودۆخی هاووڵاتیانی كورد و كار و چالاكییەكانی هەدەپە بۆ سەرۆك بارزانی شی كردەوە، هەر لەو كۆبوونەوەیەدا هەردوولا لەسەر ئەوە هاوڕا بوون كە لەسەر پێشهاتە نوێیەكان و ڕێگەچارەسەرەكان لە پەیوەندی و ڕاوێژی بەردەوامدا بن.
شایانی باسە لەو كۆبوونەوەیەدا ئازاد بەرواری و مەحموود محەمەد ئەندامانی مەكتەبی سیاسیی و عەلی حوسێن ئەندامی سەركردایەتی و ئومێد خۆشناو سەرۆكی فراكسیۆنی پارتی دیموكراتی كوردستان لە پارلەمانی كوردستان ئامادە بوون.